هو ينفع حب على النت تعالى نشوف

انا بنت مسيحي خادمه ملتزمه اتعرفت بشاب عن طريق النت قالي انا مسيحي وكان كلامنه كله عن ربنا وكان بيرسلي صور دينيه وانا كنت برسله ترانيم كتير وبعد فتره اسبوع تقريبا قالي انه اتعود يكلمني كل يوم وبعاتلي صورته وطلب مني صورتي في الاول مكنتش موافقه وبعد كده بعتهاله قالي انه معجب بتديني وباخلاقي وعايذ يرتبط بيه واعطيته رقم تليفوني وخله مامته واخته وذوجه اخوه يكلموني ويقولولي عايذين يجو البيت يتقدمه معلومه هو من اسكنداريه طلبت منه اني اشوفوا عله الكام في النت وفعلا بعد عذاب مكنش موافق في الاول وبعدين شغل الكام شكلين ميش حلو قالت مدام هو من اسره مسيحي متدينه ميش مشكله الشكل في الاول قالي انه شغال عله تاكسي وانه ساب التاكسي وبعدين اشتغل عله تاكسي تاني وسابه ورجع تاني اشتغل اسبوع وسابه هو عنده 35 سنه ومعه مؤهل متوسط من معهد الدمبوسكو وانا معايا بكالوريوس تجاره قالي انه عايذ يشتغل في شركه علشاني وقالي انه ليهم فيلا في الكينج مريوط وجارهم مقاول كبير بيعمل شركه وانه كلمه ووافق انه يشغله عنده في الحسابات قالتله انته تفهم في الحسابات قالي اه بفهم فيها الكلام ده بقاله شهر ونص قالي اني الشغل مضمون بس ورق الشركه يخلص المفروض انه كان يجي يوم الاحد الموافق 20/1/2008 ولكنني في حيره خائفه منه ان يكون كداب ومن يوم 14/1 الماضي قولتله بابا عايذك تشتغل قبل متيجي البيت علشان يطمن اتصل بصاحب الشركه قاله الاخبار ايه قالي ماشي وبليل في نفس اليوم خله اخو يكلمني ويقولي الشغل كتير وصاحب الشركه قاله يجي يشتغل معه من بكره في المكتب القديم وتاني يوم هو كلمني وقالي كده بس هو حبب يشتغل في الشركه الجديده قولتله خلاص نأجل الذياره لغايت لما تشتغل في الشركه الجديده وبعد المكلمه بعشر دقائق لقيته بيتصل بيه وبيقولي صاحب الشركه اتصل بيه دلوقتي وقاله يجي يستلم الشغل من بعد بكره انا ابتديت اشك في كلامه وبعديها بيومين قالي انه اتفق معه يروحله بعد الزياره يوم الثلاثاء امس الجمعه كلمني الساعه الثالثه عصرا وقالي انه عايز اليومين دول يخلصه بسرعه علشان يجي البيت عندنا وانه مشتقالي جدا وبيعد الساعات علشان يجي البيت يوم الاحد انا كلمته الساعه السادسه ونصف بليل وقولتله اني بابا عايز عنوان الشركه علشان هيبعت حد من قرايبنه وهو في اسكنداريه يسأل عليه ابتده يجلجل في الكلام وقالي انه ميش هيعرف يوصف عنوان الشركه وانه قربنا ميش هيعرف يوصل للشركه عل! شان هي ف ي صحراء قولتله هات رقم تليفون صاحب الشركه قالي هقفل معاكي وهكلمك تاني بعد نصف ساعه كلمني وداني رقم التليفون وقالي هيسال عليه امته قولتله احتمال النهارده او بكره وقفل ومعايا بابا اتصل برقم وقاله انه صاحب الشركه وانه يعرفه وبيدبرله مكان بس صوت اليه كلمه كان صوته صغير ميش راجل كبير معلم مقاول وبعديها الساعه السابعه ونصف اتصل بيه وقالي اني المقابله احتمال تتاجل علشان والدته تعبانه جدا وميش هيادر يسبها لوحديها قولتله تعاله وجيب اخوك او باباك قالي ميش هينفع وقالي هيكلمني بليل عله النت من سيبر وفعلا الساعه التاسعه بليل كلمني عله النت وقولتله اني بابا كلم طلعت قالي كويس وقولتله اني بابا اد البيانات لقربنا علشان يسأل عليه قالي ميش كلم صاحب الشركه كفايه هو المفروض يسأل عليه ميش يسأل عن الشركه قولتله بابا عايز يطمن عله الشغل قالي هو كلم صاحب الشركه كفايه قولتله لا لازم يطمن اكتر قالي باباكي ممكن يكون فاكر اني اديته رقم واحد صاحبي ميش رقم صاحب الشركه باباكي عايذ يطمن انه طلعت نفسه صح قولتله ليه بتفكر كده وبعدين قالي انه ميش حفظ اسم الشوارع والمنطقه هناك قولتله ميش صاحب الشركه معروف هناك قالي اه قولتله خلاص هنعرف نوصله قولتله انته ايه اليه مضايقك قالي علشان ميش هشوفك علشان ماما تعبانه قوزلتله لما تخف نبقه نحدد ميعاد تاني قالي في الاخر قبل ميقفل مفيش حاجه تفرقنا ونكون معه بعض اكطتر من ثلاث مرات وبعدين قولتله اقفل علشان تروح لمامتك تشوفها ميش هي تعبانه قالي بابا معها وعمي والجيران معها وذمانها نامت من ذمان المفروض يكلمني النهارده علشان يقولي هيجي بكره ولا لأ قولي يا جدو كرمشه من اليه انته سمعته دلوقتي اتصرف اذاي معه واعمل ايه تفكيري مشلول عليذه حد يمسك الموضوع يحللهولي كله جذء جذء من فضلك متتاخرش عليه في الاجابه
ماريان

انا مش متطمن خالص للموضوع ده يا ماريان و حاسس إنه نصب فى نصب، لكن علشان تبقى متأكدة من إنه أصلا مسيحى متدين و يعرف المسيح لازم يكون له كنيسة و كمان أب إعتراف نقدر نسأل عليه لكن يا مندخلش بيوتنا حد من النت او من الشارع و ونكون بندخل نفسنا فى مصيبة بنت المسيح لازم تكون ناصحة للحيل دى بتاعة مامتى تعبانة وكده


المسيح لما بيبعت عريس مبيبعتش حد تبقى خايفة من كلامه ولا من تصرفاته، المسيح بيبعت إبن ليه يفرح كل اللى فى البيت بلا إستثناء مش بيكون مصدر شك لكل الناس

إنت بكالوريوس تجارة، لازم يكون فى الزواج توافق إجتماعى و إقتصادى و ثقافى و الاهم من ده كله التوافق الدينى

توافق إجتماعى يعنى العيلتين تقريبا فى نفس المستوى من المعارف و القرايب و العلاقات
و الاقتصادى يعنى توافق فى مستوى الدخول
و الثقافى يعنى على الاقل يكون الشخصين عندهم نفس المستوى من المؤهلات العلمية و كمان نفس المستوى العلمى و الثقافى
اما أهم نقطة و انا خليتها لللآخر علشان أهميتها ...بنت ربنا الخادمة لازم تطلب من ربنا إنه يبعت لها إبن ربنا لأنهم فى الآخر هيكونوا كنيسة فى بيتهم و ربنا بإستمرار موجود جوه البيت ده ولازم هيكون لهم صلوات و خدمة مع بعض مش جوازة و السلام
لازم باباكى يشوف فين كنيسته قبل فين شغله و يشوف مين اب إعترافه و يكون فيه مقابلة شخصية مع اب الإعتراف فى وجود الشخص ده نفسه علشان تعرفى انه مرتبط بالكنيسة مش شخص غريب وبيمثل عليكى ولا بيقلد اصوات ولا بيجيب ناس اصحابه ولا يكون متدرب على انه يوقه بنات المسيح و فى الآخر يكون بيعمل مؤامرة شريرة عليكى و على اهلك ببساطة ...خليكى واعية وافهمى الكلام كويس ...الموضوع ده ابتدى يتكرر بنفس الطريقة فخلى عينيكى وسط راسك

صلى كتير قوى علشان ربنا يكشف لك الموضوع ده، وقدامك المذبح تحطى اسمك عليه و الله امين انه ميسبكيش تتعرضى لاى حاجة سيئة

أما لو كان الشخص ده كويس ربنا هيكشف لنا عن طريق اب الإعتراف و صلواتنا للمسيح انه يكشف لنا الخير فين وثقى فى الله لو لجأتى له لانه قال إطلبوا تجدوا ...إسألوا تعطوا...إقرعوا يفتح لكم
صلاة و قداس و مذبح وكمان نستخدم عقلنا اللى ربنا حطه فينا ...من كل تختبرى أستجابة الصلاة و تتبدد حيرتك
نصيحة أخيرة الكلام المعسول أى واحد يقدر يقوله، متنخدعيش بالكلام اللى شكله من برة حلو....الحب تضحية و بذل و تقديم الآخر ... مش كلام معسول و رومانسية