الحياه حلوه وزى السكر!!!!!!!!

الحياة مش حلوة ولا حتى زى السكر
ده حتى كيس السكر سعره زاد و بقى بأربعة وبخمسة جنية
يعنى لو انتى بتقولى الحياة حلوة وزى السكر
يبقى الحياة بقت غالية زى السكر!!!






طيب ما تيجى يا حلووين نعمل مقارنة بين الحياة والسكر






المقارنة

وجه المقارنة :الطعم الرائحة اللون
السكر: حلو تفتح النفس ابيض
الحياة: مرة تخنق وتسد النفس اسود


بصراحة مفيش اى تشابه بين الاتنين خاااااالص
يبقى انتوا كلامكوا صح


الحياة فعلا وحشة
والناس كمان بقت وحشة
كل واحد بقى بيحب نفسه
الناس بقت تخاف من بعضها







طيب على اساس بقى ان الحياة وحشة
تعالوا نشوفوا الحياة وحشة ليه؟




انا مش هتكلم
لكن يلا بينا ننزل ارض الواقع
تعالوا ننزل الشارع ونمشى وسط الناس







تعالوا نشوف الناس هتقول ايه عن الحياة

النموذج الأول من شباب شعب مصر


باسم:انا خلصت ثانوية عامة
بعد مذاكرة عميقة ملهاش اول من اخر




وبعد ما بابا دفع دم قلبه فى الدروس الخصوصية


بس الحمد لله من جد وجد ومن زرع حصد
وتعبى مرحش عالفاضى

ودخلت كليه مش وحشة
دخلت كلية هندسة بس فى بلد تانيه



بابا كتر الف خيره دفع دم قلبه فى المواصلات
بتاعت السفر ومصاريف الكلية

بس الحمدلله خلصت كلية
بعد ما طفحت الدم انا وبابا اللى دفع دم قلبه
وبقيت بش مهندس اد الدنيا


وروحت عشان اشتغل زى باقى الناس
عاوز بقى اشتغل بشهادتى واكون نفسى

المهم
لفيت بلدنا من شرقها لغربها
ومن سماها لأرضها
ومن نيلها لشمسها
لحد ما اتشويت فى الشمس
والجزمة اتقطعت من كتر المشى
وصرفت فلوس ادى ادها فى المواصلات
من هنا لهنا..وفى الاخر
مفيش وظيفة

قولت عيب لما اعد فى البيت وبابا يصرف عليا
قررت انى اشتغل وظيفة ملهاش علاقة بالشهادة بتاعتى
المهم